ang akala mo lang ay hindi totoo

ang akala mo lang ay hindi totoo
ang nararamdaman ko para sa iyo
palagi mong sinasabing nanloloko
ngunit ang lahat ng ito ay totoo

dinadaan ko lamang sa pagbibiro
huwag mong isiping di nagseseryoso
sapagkat ang totoo ay nalaman mo
dahil sinabi ko na ito noon sa iyo

ikaw nga sa wari ang hindi seryoso
tinawanan mo nga ko ng marinig mo
ang sabi mo pa hindi ako matino
ang akala mo lang ay hindi totoo

kaya naman ako ay biglang nagbago
hindi ka na lang basta bigla kinibo
napansin mong hindi na ko nagbibiro
kaya lumapit ka at tinanong ako

ano at bakit ba ginaganyan ako
may nagawa ba ako na hindi gusto
naluluha ka na tinatanong ako
masama ang loob sa ginagawa ko

kasunod ang patak ng isang luha mo
na agad-agad namang pinahiran mo
yumuko at naghihintay ng sagot ko
hanggang tuluyan ng umiyak ng husto

ito ay hindi nakaya ng puso ko
na makita kang lumuluha at may siphayo
niyakap ka at ibinulong sa iyo
"mahal kita"
ang akala mo lang ay hindi totoo


_____________________________________
Huwebes, Nobyembre 26, 2009 nang 8:37 ng gabi